ഉത്തരക്കടലാസ് പൊരുത്തക്കേട്,
റീ വാലുവേഷൻ പോർട്ടൽ തകരാറുകൾ, OSM ടെൻഡർ ക്രമക്കേട് ആരോപണങ്ങൾ എന്നിവയെ തുടർന്ന് കേന്ദ്രത്തിന്റെ കടുത്ത നടപടി
ന്യൂഡൽഹി,:CBSEയുടെ On-Screen Marking (OSM) സംവിധാനവുമായി ബന്ധപ്പെട്ട വിവാദം രൂക്ഷമായതിനെ തുടർന്ന് കേന്ദ്ര സർക്കാർ CBSE ചെയർമാൻ Rahul Singh നെയും സെക്രട്ടറി Himanshu Gupta യെയും സ്ഥലംമാറ്റി. OSM സേവനങ്ങളുടെ വാങ്ങൽ നടപടികളിലും ഡിജിറ്റൽ മൂല്യനിർണയ സംവിധാനത്തിലും ഉയർന്ന ആരോപണങ്ങളെത്തുടർന്നാണ് നടപടി.
വിദ്യാർത്ഥികൾ ഉത്തരക്കടലാസ് സ്കാൻ കോപ്പികളിൽ പൊരുത്തക്കേടുകൾ, റീ-വാലുവേഷൻ പോർട്ടലിലെ സാങ്കേതിക പ്രശ്നങ്ങൾ, മാർക്ക് നിർണയത്തിലെ സംശയങ്ങൾ തുടങ്ങിയ പരാതികൾ വ്യാപകമായി ഉന്നയിച്ചിരുന്നു. ഇതോടെ OSM സംവിധാനത്തിന്റെ വിശ്വാസ്യത ചോദ്യം ചെയ്യപ്പെട്ടു.
സംഭവത്തിൽ അന്വേഷണം നടത്തുന്നതിനായി കേന്ദ്ര സർക്കാർ ഏകാംഗ അന്വേഷണ സമിതി രൂപീകരിച്ചിട്ടുണ്ട്. OSM സേവനങ്ങളുടെ ടെൻഡർ നടപടികളും സാങ്കേതിക സംവിധാനവും പരിശോധിച്ച് റിപ്പോർട്ട് സമർപ്പിക്കാനാണ് സമിതിക്ക് ചുമതല നൽകിയിരിക്കുന്നത്.
CBSEയുടെ ഡിജിറ്റൽ മൂല്യനിർണയ സംവിധാനത്തെ ചുറ്റിപ്പറ്റിയ വിവാദത്തിൽ ഇതുവരെ ഉണ്ടായ ഏറ്റവും വലിയ ഭരണനടപടിയായാണ് ചെയർമാനും സെക്രട്ടറിയും സ്ഥലംമാറ്റപ്പെട്ടതിനെ വിലയിരുത്തുന്നത്.
