തമിഴ് സിനിമാലോകത്ത് വീണ്ടും ചര്ച്ചയായിരിക്കുകയാണ് നടൻ വിജയും നടി തൃഷ കൃഷ്ണയും സംബന്ധിച്ച ഗോസിപ്പുകൾ. ഇരുവരും അടുത്തിടെ ഒരുമിച്ച് പൊതുപരിപാടികളിലും സിനിമാപ്രവർത്തനങ്ങളിലും ശ്രദ്ധ നേടുന്നതിനിടെ സോഷ്യൽ മീഡിയയിൽ പലവിധ ചർച്ചകളും ഉയർന്നിരുന്നു.
ഈ സാഹചര്യത്തിൽ വിജയിന്റെ ഭാര്യയായ സംഗീത സ്വർണ്ണലിംഗയുടെ വികാരങ്ങളെ കുറിച്ച് ശ്രദ്ധിക്കണമെന്ന് നിർമാതാവ് എസ് സുരേഷ് അഭിപ്രായപ്പെട്ടു.
“ഭാര്യയുടെ ദുഃഖം ഇത്തരത്തിൽ അവഗണിക്കുന്നത് ശരിയല്ല. ആരോഗ്യകരമായ ഒരു ബന്ധം നിലനിർത്താൻ ഇരുവരും ഉത്തരവാദിത്വത്തോടെ പെരുമാറണം,” എന്നായിരുന്നു സുരേഷ് പറഞ്ഞത്. സിനിമാലോകത്ത് ഗോസിപ്പുകളും അഭ്യൂഹങ്ങളും പതിവാണെങ്കിലും അതിന്റെ പശ്ചാത്തലത്തിൽ കുടുംബബന്ധങ്ങൾക്കും വികാരങ്ങൾക്കും പ്രാധാന്യം നൽകേണ്ടതുണ്ടെന്നും അദ്ദേഹം കൂട്ടിച്ചേർത്തു.
പഴയ ഗോസിപ്പ് വീണ്ടും ചർച്ചയിൽ
വിജയും തൃഷ കൃഷ്ണയും നിരവധി ഹിറ്റ് ചിത്രങ്ങളിൽ ഒരുമിച്ച് അഭിനയിച്ചതിന് ശേഷം തന്നെ ഇവരെക്കുറിച്ചുള്ള ഗോസിപ്പുകൾ സിനിമാലോകത്ത് ഉണ്ടായിരുന്നുവെന്ന് റിപ്പോർട്ടുകൾ പറയുന്നു. പ്രത്യേകിച്ച് ഗില്ലി, തിരുപ്പാച്ചി,ആത്ത് എന്നീ സിനിമകളുടെ സമയത്ത് ഇരുവരും അടുത്ത സുഹൃത്തുക്കളാണെന്ന രീതിയിൽ വാർത്തകൾ വന്നിരുന്നു.
എന്നാൽ അന്നത്തെ ഗോസിപ്പുകളെ കുറിച്ച് ഇരുവരും തുറന്ന് പ്രതികരിച്ചിരുന്നില്ല. പിന്നീട് വിജയ് തന്റെ കുടുംബജീവിതത്തിലേക്ക് കൂടുതൽ ശ്രദ്ധ നൽകിയതോടെ ഈ ചര്ച്ചകള് ശമിച്ചിരുന്നു.
ഇപ്പോൾ വീണ്ടും ഇരുവരും ഒന്നിച്ച് സിനിമകളിലും പൊതുപരിപാടികളിലും കാണപ്പെടുന്നത് പഴയ ഗോസിപ്പുകൾക്ക് വീണ്ടും ചൂടേകിയിരിക്കുകയാണ്. എന്നാൽ ഈ വിഷയത്തിൽ ഇരുവരും ഇതുവരെ ഔദ്യോഗിക പ്രതികരണം നൽകിയിട്ടില്ല.
