സര്വം മായ തിയേറ്ററിലും ഒടിടിയിലും ഒരുപോലെ വിജയമായി. അഖില് സത്യന് സംവിധാനം ചെയ്ത ചിത്രത്തില് നിവിന് പോളി നായകനായി എത്തിയപ്പോൾ ബോക്സ് ഓഫീസില് 151 കോടി രൂപ നേടി വമ്പന് കുതിപ്പ് നേടി. ഡിസംബര് 25ന് പുറത്തിറങ്ങിയ ചിത്രം നിവിന്റെ ശക്തമായ തിരിച്ചു വരവായി ആരാധകര് വിലയിരുത്തുന്നു.
റിയ ഷിബു അവതരിപ്പിച്ച ‘ഡെലൂലു’ കഥാപാത്രം ശ്രദ്ധ നേടിയിരുന്നു. ചിത്രത്തിലെ പ്രകടനത്തിന് സൂര്യയും ജ്യോതികയും റിയയ്ക്കും സംഗീത സംവിധായകന് ജസ്റ്റിന് പ്രഭാകരന്ക്കും സര്പ്രൈസ് സമ്മാനം നല്കിയിരുന്നു.
ഇപ്പോള് നിവിന് പോളിക്കും താരദമ്പതികളുടെ അഭിനന്ദനസമ്മാനം ലഭിച്ചു. പ്രഭേന്ദു എന്ന കഥാപാത്രത്തിന്റെ ഫോട്ടോയോടൊപ്പം സമ്മാനം ഒരുക്കിയിരുന്നു. നിവിന്റെ പ്രകടനം പ്രത്യേകമാണെന്നും ചിത്രം ആദ്യാവസാനം വരെ എന്ഗേജിംഗാണെന്നും അവർ കത്തിൽ കുറിച്ചു. മുന്നോട്ടുള്ള യാത്രയില് ഓര്മ്മിക്കപ്പെടുന്ന കൂടുതല് കഥാപാത്രങ്ങള് ലഭിക്കട്ടെയെന്നും ആശംസിച്ചു.
ജനാര്ദ്ദനന്, രഘുനാഥ് പലേരി, മധു വാര്യര്, അല്ത്താഫ് സലിം, പ്രീതി മുകുന്ദന് തുടങ്ങിയവരും ചിത്രത്തില് അഭിനയിക്കുന്നു. ഫയര്ഫ്ളൈ ഫിലിംസിന്റെ ബാനറില് അജയ്യ കുമാര്, രാജീവ് മേനോന് എന്നിവര് നിര്മാണം നിര്വഹിച്ചിരിക്കുന്നു.
