പ്രേക്ഷകരുടെ ഹൃദയത്തെ സ്പർശിക്കുന്ന ദൃശ്യങ്ങളും സംഗീതവും നിറഞ്ഞ *‘ചിന്ന ചിന്ന ആസൈ’*യുടെ പ്രീ-റിലീസ് ടീസർ പുറത്തിറങ്ങി. ഇന്ദ്രൻസും മധുബാലയും കേന്ദ്ര കഥാപാത്രങ്ങളായി എത്തുന്ന ചിത്രത്തിന്റെ ടീസർ ഇതിനോടകം സോഷ്യൽ മീഡിയയിൽ ശ്രദ്ധ നേടിക്കഴിഞ്ഞു. വാരണാസിയുടെ മനോഹര പശ്ചാത്തലത്തിൽ നെയ്തെടുത്ത ദൃശ്യങ്ങളും ഹൃദയഹാരിയായ പശ്ചാത്തല സംഗീതവും ടീസറിന്റെ പ്രധാന ആകർഷണങ്ങളാണ്.
നവാഗതയായ വർഷ വാസുദേവ് രചനയും സംവിധാനവും നിർവഹിക്കുന്ന ഈ മലയാളം-തമിഴ് ദ്വിഭാഷാ ചിത്രം പൂർണമായും വാരണാസിയിലാണ് ചിത്രീകരിച്ചിരിക്കുന്നത്. ജീവിതത്തിലെ ചെറിയ ആഗ്രഹങ്ങളും മനുഷ്യബന്ധങ്ങളിലെ വികാരനിമിഷങ്ങളുമാണ് ചിത്രത്തിന്റെ പ്രമേയമെന്നാണ് ടീസർ നൽകുന്ന സൂചന.ദുൽഖർ സൽമാന്റെ വേ ഫറർ ഫിലിംസാണ് കേരളത്തിലെ വിതരണച്ചുമതല ഏറ്റെടുത്തിരിക്കുന്നത്. വിഷ്ണു അഗസ്ത്യയും ചിത്രത്തിൽ പ്രധാന കഥാപാത്രത്തെ അവതരിപ്പിക്കുന്നുണ്ട്. ഫൈസ് സിദ്ദിഖാണ് ഛായാഗ്രഹണം നിർവഹിച്ചിരിക്കുന്നത്. ഗോവിന്ദ് വസന്തയുടെ സംഗീതവും റെക്സൺ ജോസഫിന്റെ എഡിറ്റിംഗും ചിത്രത്തിന്റെ പ്രധാന ശക്തികളാണ്.
ബാബുജി പ്രൊഡക്ഷൻസിന്റെ ബാനറിൽ അഭിജിത് ബാബുജിയാണ് ചിത്രം നിർമ്മിക്കുന്നത്. ജൂണ് 19 ന് ചിത്രം ആഗോളതലത്തില് തിയേറ്ററുകളില് എത്തും
ഹൃദയസ്പർശിയായ കഥയും മനോഹരമായ അവതരണവും പ്രതീക്ഷ നൽകുന്ന ‘ചിന്ന ചിന്ന ആസൈ’ ജൂൺ 19ന് ലോകമെമ്പാടുമുള്ള തിയേറ്ററുകളിൽ എത്തും.
