ദോഹ, മാർച്ച് 22 (QNA):
ഖത്തറിന്റെ കടൽപരിധിയിൽ ഉണ്ടായ ഹെലികോപ്റ്റർ ദുരന്തത്തിൽ ആറുപേരുടെ മരണവാർത്ത വേദനയോടെ സ്ഥിരീകരിച്ചതായി ഖത്തര് അഭ്യന്തര മന്ത്രാലയം അറിയിച്ചു. ഹെലികോപ്റ്ററിൽ ഉണ്ടായിരുന്ന ഏഴുപേരിൽ ആറുപേരെ കണ്ടെത്തിയെങ്കിലും, എല്ലാവരും മരണപ്പെട്ട നിലയിലായിരുന്നു.
ഇനിയും ഒരാളെ കാണാതായിരിക്കുകയാണ്. അദ്ദേഹത്തെ കണ്ടെത്തുന്നതിനായി രക്ഷാപ്രവർത്തകർ സമയം നഷ്ടപ്പെടുത്താതെ തിരച്ചിൽ തുടരുകയാണ്. പ്രതീക്ഷയും ആശങ്കയും തമ്മിലുള്ള നിമിഷങ്ങളിലൂടെയാണ് ഈ ദൗത്യം മുന്നേറുന്നത്.
ഞായറാഴ്ച X പ്ലാറ്റ്ഫോമിലൂടെ പുറത്തിറക്കിയ സന്ദേശത്തിൽ, മരിച്ചവരുടെ കുടുംബങ്ങളുടെ ദുഃഖത്തിൽ പങ്കുചേർന്നു മന്ത്രാലയം ആഴത്തിലുള്ള അനുശോചനം രേഖപ്പെടുത്തി. ഈ വലിയ നഷ്ടം സഹിക്കാനുള്ള ശക്തിയും സഹനവും അവരുടെ കുടുംബങ്ങൾക്ക് ലഭിക്കട്ടെയെന്ന് പ്രാർത്ഥിക്കുകയും ചെയ്യുന്നതായിഅറിയിച്ചു. അപകടത്തിന്റെ കാരണം വ്യക്തമാകാനുള്ള അന്വേഷണവും തിരച്ചിൽ പ്രവർത്തനങ്ങളും തുടരുകയാണ്
ഖത്തർ സമുദ്ര പരിധിയില് ഹെലികോപ്റ്റർ ദുരന്തം:ആറുപേർ മരിച്ചു, ഒരാളെ തേടി തിരച്ചിൽ തുടരുന്നു
